លោក Maurizio Sarri អ្នកចាត់ការថ្មីរបស់ក្រុម Chelsea មានបំណងចង់ទុកកីឡាករ Eden Hazard ដើម្បីបង្ហាត់បង្រៀនបន្ថែមទៀតនៅរដូវកាលថ្មីខាងមុខនេះ។
ក្រោយពីចប់ព្រឹត្តិការណ៍ World Cup ទៅនេះ Hazard បានបញ្ជាក់ថារូបគេអាចនឹងរកក្លឹបថ្មីដើម្បីស្វែងរកបទពិសោធថ្មីបន្ថែមទៀត ក្រោយពីនៅក្លឹប Chelsea ជាច្រើនឆ្នាំ។ ជាមួយការបង្ហើបយ៉ាងនេះ Real Madrid គឺជាក្លឹបមួយដែលមានភាគរយខ្ពស់ជាងគេ អាចយករូបគេទៅបាន ប្រសិនបើហានថ្លៃបន្តិច។ យ៉ាងណាមិញ បើទោះជាមានដំណឹងនេះក្ដី ប៉ុន្តែលោក Sarri មានបំណងចង់ទុក Hazard សិន ដើម្បីបានឱកាសបង្ហាត់រូបគេបន្ថែម។
“ខ្ញុំអាចសម្រេចចិត្ត ក្នុងការនិយាយថាគាត់ទៅឬនៅពេលនេះ ប៉ុន្តែរឿងពិតនោះគឺក្លឹប Chelsea ជាអ្នកសម្រេចទៅវិញទេ ថាលក់ឬមិនលក់។ ខ្ញុំអាចនិយាយបានថាគាត់ជាកីឡាករកំពូលម្នាក់នាពេលបច្ចុប្បន្ននេះ។ ខ្ញុំនឹងជួបគ្នាតែ២នាក់ដើម្បីនិយាយគ្នា ពីគោលបំណងរបស់យើងរៀងខ្លួន។ ខ្ញុំសង្ឃឹមថាគាត់នឹងនៅជាមួយយើង ដើម្បីបានឱ្យខ្ញុំបង្ហាញគាត់បន្ថែមទៀតពីបាល់ទាត់”។ សម្ដីលោក Sarri៕ប្រភព៖ BBC
