ខ្សែការពារ Clement Lenglet យល់ឃើញថាការផ្លាស់ប្ដូរកីឡាករ១ប្រកួតបាន៥នាក់ នឹងផ្ដល់ផលចំណេញច្រើនដល់កីឡាករ នាសម័យកាល Covid-19 នេះ។
ក្របខណ្ឌ La Liga កំណត់យកថ្ងៃទី១១ខែមិថុនាឆ្នាំ២០២០នេះ ដើម្បីបើកឱ្យមានការប្រកួតឡើងវិញ ប៉ុន្តែត្រូវលេងដោយបិទទ្វា និងមានលក្ខខណ្ឌជាច្រើនទៀត។ ដោយក្នុងនោះ ក៏មានការយល់ព្រមឱ្យផ្លាស់ប្ដូរកីឡាករបាន៥នាក់ក្នុង១ប្រកួតផងដែរ។ ការធ្វើបែបនេះ គឺដោយសារតែការត្រលប់មកប្រកួតវិញ កាលវិភាគនឹងលេង១សប្ដាហ៍អាច២ប្រកួត។
ចំពោះ Clement Lenglet ខ្សែការពារក្រុម FC Barcelona ក៏គិតថាការផ្លាស់ប្ដូរកីឡាករបានដល់៥នាក់គឺផ្ដល់ផលចំណេញដល់កីឡាករដែរ។ ការប្រកួតដែលញឹកគ្នាខ្លាំងពេក កីឡាករនឹងមិនមានកម្លាំងពេញឡើយ ដូច្នេះការផ្លាស់ប្ដូរគ្នាចូលច្រើនបានច្រើន គឺជាជម្រើសល្អបំផុតជួយដល់កីឡាករទាំងអស់ មិនឱ្យមានបញ្ហារបួសច្រើន៕ប្រភព Marca
