ក្រមុំលឿង Borussia Dortmund បានបំបាក់ទៅលើម្ចាស់ដី Paderborn យ៉ាងស្ពឹកមុខកាលពីយប់មិញនេះ ក្រោមលទ្ធផល ១-៦។ ៣ ពិន្ទុដ៏មានន័យជួយឲ្យ Dortmund បន្តដាក់សម្ពាធទៅលើ Bayern ដែលឈរនៅកំពូលតារាងមិនឲ្យនាំមុខដាច់លើសពី ៧ ពិន្ទុនៅជុំទី ២៩។
នៅប្រកួតយប់មិញក្រុមភ្ញៀវហាក់វាយសម្រុកខ្លាំង ដោយមានស្ថិតិគ្រប់គ្រងបាល់ ៥៩ ភាគរយ ស៊ុត ១៦ លើក ចំគោលដៅ ១០ លើក សម្រេចបាន ៦ គ្រាប់ ចេញពីកីឡាករ Thorgan Hazard បើកឆាកនាទី ៥៤ ហើយ Sancho រកបាន Hat-Trick ថែមពីរគ្រាប់ផ្សេងទៀតដោយ Hakimi និង Schmelzer។
សម្រាប់ម្ចាស់ផ្ទះបានបាល់ប៉េណាល់ទីយោងនៅនាទី ៧២ បំបែកដោយកីឡាករ Hunemeier កុំអីត្រូវស្ងោរពងមាន់បិទការប្រកួតថែមទៀត។
ទស្សនាវីដេអូខាងក្រោម៖
https://www.youtube.com/watch?v=VAXvPkKbKB8
បញ្ជាក់ថានាប្រកួតបន្ទាប់គឺ Dortmund ត្រូវប៉ះ Hertha នៅចុងសប្តាហ៍ក្រោយថ្ងៃសោរ៍ ដែលនឹងមានផ្សាយផ្ទាល់លើទំព័រ CTS Sports ផងដែរ៕
