ត្រលប់ទៅរដូវកាល ២០១៧/១៨ កាលនោះគឺ Mohamed Salah រកបាន ៣២ គ្រាប់ក្នុងមួយរដូវកាល សម្រាប់គ្រាប់បាល់នៅ Premier League សុទ្ធ ហើយបានឈ្នះពានរង្វាន់ស្បែកជើងមាស ពោលវាជាឆ្នាំដំបូងដែលគេទើបផ្ទេរចេញពី AS Roma មកកាន់ទឹកដី Liverpool។
ឆ្នាំនោះហើយគឺ Salah បានបំបែកកំណត់ត្រា នាមជាកីឡាកររកបានគ្រាប់បាល់ច្រើនបំផុតនារដូវកាលទោលនៅ PL យកឈ្នះលើកំណត់ត្រាចាស់របស់កីឡាករ ៣ រូប។
នៅ PL សរុបទៅមានកីឡាករ ៧ រូបប៉ុណ្ណោះ ធ្លាប់បំបែកគ្រាប់បាល់លើស ៣០ គ្រាប់ក្នុងមួយរដូវកាល ឬ ៣៨ ប្រកួតសរុប ហើយក្នុងចំណោមនោះមាន ៣ រូបដែលរកបាន ៣១ គ្រាប់មុនពេល Salah មកដល់។
នោះគឺ Cristaino Ronaldo សម្រេចបានពេលលេងឲ្យ Man Utd, Luis Suarez ធ្វើបានកាលលេងឲ្យ Liverpool និងជើងចាស់ Alan Shearer ធ្វើបានគ្រាលេងឲ្យ Blackburn Rovers៕ ប្រភព៖ Sportskeeda