លោក Brendan Rodgers បានប្រកាសថាកន្លងមកនេះ លោកក៏បានឆ្លងមេរោគ Covid-19 ជាមួយភរិយាផងដែរ ប៉ុន្តែបច្ចុប្បន្នបានជាសះស្បើយហើយ។
បុរសវ័យ៤៧ឆ្នាំបានរៀបរាប់ដំណើររឿងថា៖ “យើងបានឈប់សម្រាក១សប្ដាហ៍ ពេលយើងដឹងថានឹងត្រូវលេងទល់ក្រុម Watford នៅថ្ងៃ១៤ខែមីនា។ ហើយបន្ទាប់ពីនោះមក ខ្ញុំចាប់ផ្ដើមមានអាការមិនស្រួលខ្លួន។ ៣សប្ដាហ៍ ដែលខ្ញុំមិនមានក្លិន និងមិនចង់ញ៉ាំអាហារសោះ។ ហើយបន្ទាប់មកទៀត ប្រពន្ធរបស់ខ្ញុំក៏ចាប់ផ្ដើមដូចខ្ញុំដែរ។ យើងទាំងពីរនាក់បានទៅធ្វើតេស្ដ ហើយលទ្ធផលបង្ហាញថាយើងមានផ្ទុកមេរោគនេះ”។
ការព្យាបាលវិញ លោកបានបញ្ជាក់ថាពិតជាពិបាកខ្លាំងមែនទែនទម្រាំឆ្លងផុតវា។ អំឡុងពេលព្យាបាលនេះ លោកមិនអាចទាំងដើរសូម្បីតែ១០ម៉ែត្រទៅមុខផង ព្រោះគ្មានកម្លាំងឡើយ។ តែបច្ចុប្បន្នក្រោយពីតស៊ូមក ពេលនេះលោកបានជាសះស្បើយពីមេរោគហើយ៕ប្រភព Bbc