អតីតវីរបុរសជើងចាស់លោក Ryan Giggs ដែលធ្លាប់រួមអាជីពអស់រយៈពេលជាច្រើនឆ្នាំនៅ Man Utd ថ្មីៗនេះបានចេញមុខមកសរសើរមិនដាច់ពីមាត់ ដល់ការលេងរបស់ក្លឹប Liverpool នារដូវកាល ២០១៩/២០ ហើយសង្កត់ធ្ងន់ថាហង្សគឺសក្តិសមជាក្រុមឈ្នះពាន PL បំផុត។
ប្រាប់សារព័ត៌មាន Sky Sports អ្នកចាត់ការក្រុមជម្រើសជាតិវែលនិយាយ៖ “ខ្ញុំគិតថាអ្វីដែលយើងបានឃើញពី Liverpool ឆ្នាំនេះ គឺពិតជាអស្ចារ្យខ្លាំងណាស់ ដែលស្ថិតក្រោមការដឹកនាំដោយគ្រូដ៏ល្អ Jurgen Klopp និយាយទៅវាឈឺចាប់ពិតមែនការដែលខ្ញុំពោលពាក្យបែបនេះ ទាំងខ្ញុំជាអ្នកគាំទ្ររបស់ United ម្នាក់ ប៉ុន្តែការពិតគឺពួកគេធ្វើបានល្អមែន”។
លោកបន្ថែមថា៖ “ពួកគេនឹងបានឈ្នះពាន គឺសក្តិសមនឹងទទួលណាស់ ហើយការលេងរបស់ពួកគេក៏ធ្វើឲ្យខ្ញុំជក់ចិត្តក្នុងការទស្សនា និងច្បិចយកការលេងរបស់ Liverpool មកដឹកនាំជាមួយក្រុមជម្រើសជាតិវែល”។
បញ្ជាក់ថារដូវកាល ២០១៩/២០ នៅ Premier League នឹងបើកបន្តសារជាថ្មី នៅថ្ងៃទី ១៧ មិថុនាខាងមុខ ខណៈហង្សក្រហម Liverpool គឺទើបស្គាល់ពាក្យចាញ់មួយលើកគត់៕
ប្រភព៖ Goal
