អ្នកចាត់ការក្លឹបកាំភ្លើងធំ Arsenal លោក Mikel Arteta កំពុងលៃលកត្រៀមលក់ចេញកីឡាករ ៣ រូប ដែលសុទ្ធសឹងជាផ្នែកនៅតំបន់ការពារ នៅទីផ្សារដោះដូររដូវក្តៅខាងមុខ ដើម្បីជួយសម្រួលផ្នែកហិរញ្ញវត្ថុខ្លះ។
ជាការពិតរាល់បណ្តាក្លឹបបាល់ទាត់ទាំងអស់ កំពុងជួបវិបត្តិសេដ្ឋកិច្ចធ្ងន់ធ្ងរនូវស្ថានភាព COVID-19 ដែលរុញឲ្យការលក់កីឡាករដែលមិនចាំបាច់ចេញ គឺជារឿងចាំបាច់ត្រូវតែធ្វើ ព្រោះអាចទាញចំណូលខ្លះមកវិញ និងជួយសម្រួលការចំណាយលើថ្លៃពលកម្មរបស់ក្លឹបផងដែរ។
តាមប្រភពពី The Athletic បានចុះផ្សាយ កីឡាករទាំង ៣ រូបនោះមានខ្សែការពារកណ្តាល Sokratis, Shkodran Mustafi និង Rob Holding ដែលបូកថ្លៃពលកម្មរួម គឺក្លឹបត្រូវចាយ ២០៧ ០០០ ផោន/សប្តាហ៍ឯណោះសម្រាប់ពួកគេ៕ ប្រភព៖ Sportsmole