James Rodriguez ហាក់គ្មានបំណងចង់ផ្លាស់ទៅកាន់ក្លឹប Newcastle United នោះទេ ត្បិតបើល្ហៀងៗថាក្លឹបមួយនេះកំពុងត្រៀមទទួលមេថ្មី ដែលមានលុយក្រាស់ក្រែលក៏ដោយ។ ផ្ទុយទៅវិញរូបគេចង់ផ្ទេរទៅកាន់ក្លឹបនៅទីក្រុង Madrid ដដែលនោះគឺ Atletico Madrid។
តាមរបាយការណ៍ពី Mundo Deportivo កីឡាករសញ្ជាតិកូឡុំប៊ីចង់បន្តការរស់នៅក្នុងទីក្រុង Madrid ប្រទេសអេស្ប៉ាញដដែល និងធ្វើការផ្ទេរចេញទៅកាន់ក្លឹបគូប្រជែងរបស់ Real ផ្ទាល់តែម្តង។ ប៉ុន្តែគ្រប់យ៉ាងគឺស៊ីសងលើការចរចារវាងភាគីក្លឹបទាំងពីរ ជុំវិញតម្លៃផ្ទេរជាមុនសិន។
បញ្ជាក់ថារដូវកាល ២០១៩/២០ ក្រោយ James ចប់លក្ខខណ្ឌខ្ចីជើងនៅ Bayern និងត្រលប់មក Madrid វិញ ក៏រូបគេហាក់មិនស្ថិតក្នុងការចង់បានរបស់ Zidane ទាល់តែសោះ ដោយទើបបង្ហាញខ្លួនលើទីលាន ១៣ ប្រកួតគត់នារដូវកាលនេះ៕
ប្រភព៖ Goal
