ក្លឹប Liverpool បានយល់ព្រមតម្លៃខ្លួន៦៧លានផោន ដើម្បីទិញយកអ្នកចាំទី Alisson ពីក្រុម Roma ហើយ ដោយការប្រកាសជាផ្លូវការនឹងធ្វើឡើងនៅពេលឆាប់ៗនេះ។
តម្លៃ៦៧លានផោននេះ គឺជាតម្លៃកំណត់ត្រាអ្នកចាំទីថ្លៃជាងគេលើលោកនេះហើយ។ ខណៈដែលតម្លៃកំណត់ត្រាចាស់គឺ Gianluigi Buffon ដែលក្លឹប Juventus ទិញកាលឆ្នាំ២០០១ តម្លៃ៥៣លានអឺរ៉ូ ពីក្លឹប Parma ។ ការទិញអ្នកចាំទីថ្មីបានហើយតម្លៃថ្លៃយ៉ាងនេះទៀត គឺក្លឹប Liverpol ប្រហែលជាត្រូវចែកផ្លូវគ្នាជាមួយអ្នកចាំទីចាស់ Loris Karius ហើយ។
Alisson លេងឲ្យ Roma បាន ២ ឆ្នាំ ហើយលេងដល់ទៅ ៣៧ ប្រកួត Serie A ឲ្យក្លឹបកាលពីរដូវកាលមុន។ នៅ World Cup ឆ្នាំនេះ អ្នកចាំទីវ័យ២៥ឆ្នាំរូបនេះ លេងទាំង ៥ ប្រកួតឲ្យប្រេស៊ីល ក្នុងនោះ ៣ ប្រកួត ដែលអ្នកចាំទីអាចរក្សា Clean Sheet បាន៕ប្រភព៖ DailyMail
