Mbappe សរសើរ​ថា​ ក្លឹប Liverpool ដូច​ជា​ម៉ាស៊ីន​នៅ Premier League

ថ្មីៗ​នេះ Kylian Mbappe ​បាន​សរសើរ​មិន​ដាច់​ពី​មាត់​ដល់​ក្លឹប​ហង្ស​ក្រហម Liverpool ដែល​ឲ្យ​រហ័ស​នាម​ក្លឹប​នៅ​អង់គ្លេស​មួយ​នេះ​ថា​ជា <<ម៉ាស៊ីន>>។

Liverpool បាន​ទទួល​ជោគជ័យ​យ៉ាង​ក្រាស់ក្រែល​នៅ​រយៈ​ពេល​ជាង ១ ឆ្នាំ​ចុង​ក្រោយ ចាប់​តាំង​ពី​ការ​ឈ្នះ​ពាន UEFA Champions League និង​ការ​ប្រជែង​ត្រៀម​ឈ្នះ​ Premier League រដូវ​កាល ២០១៩/២០។

ប្រាប់ Mirror កីឡាករ​បារាំង​និយាយ៖ “រដូវ​កាល​នេះ Liverpool គឺ​ជា​ម៉ាស៊ីន​នៅ Premier League ហើយ ដោយ​ពួក​គេ​ទទួល​បាន​ជ័យជម្នះ​មើល​ទៅ​ស្រួលៗ​ខ្លាំង​ណាស់ តែ​អ្នក​ត្រូវ​ដឹង​ការ​ពិត​គឺ​វា​មិនមែន​ជា​រឿង​ងាយ​ទេ”។

យុវជន​រូប​នេះ​បន្ថែម៖ “ការ​បង្ហាញ​ទម្រង់​លេង​ដែល​ក្លឹប​បាន​សម្រេច​កន្លង​មក គឺ​ពួក​គេ​មិន​ធ្វើ​បាន​ពី​មុន​មក​ទេ”។

បញ្ជាក់​ថា Mbappe នេះ​សោត​ក៏​ជា​រ៉ាដា​របស់ Liverpool មួយ​រូប​ផង​ដែរ ប៉ុន្តែ​កន្លង​ទៅ Klopp បាន​បញ្ជាក់​ច្បាស់​ហើយ​សមត្ថភាព​កូន​ក្រុម​របស់​លោក​នៅ​មាន បែប​នេះ​លោក​មិន​ទាន់​គិត​ដល់​ការ​នាំ​យក​អ្នក​ថ្មី​ចូល​ក្រុម​ឡើយ៕

ប្រភព៖ Goal

ភ្ជាប់ទំនាក់ទំនងជាមួយ CTS SPORT