ស្ងាត់​! ​Casemiro ​ត​កុងត្រា​ជាមួយ Real Madrid ​ដល់​ឆ្នាំ ២០២៣ ​តាំង​ពី​១​ខែ​មុន​

​ខ្សែ​បម្រើ Casemiro ​បាន​បន្ដ​កុងត្រា​ជាមួយ​ក្រុម Real Madrid ​ដល់​ឆ្នាំ​២០២៣​ហើយ ​កាល​ពី​មួយ​ខែ​មុន​នេះ ​ដោយ​មិន​បាន​បង្ហាញ​ជា​សាធារណៈ​នោះ​ទេ​។

​Marca ​កាសែត​​កីឡា​ក៏​ល្បី​ឈ្មោះ​របស់​អេស្ប៉ាញ​បាន​ចេញ​ផ្សាយ​អត្ថបទ​ខាង​លើ​នេះ​។ ពួកគេ​បាន​បញ្ជាក់​ថា​ក្រុម Real Madrid ​បាន​បន្ដ​កុងត្រា​ឱ្យ​កីឡាករ​ប្រេស៊ីល​នេះ ដោយសារ​តែ​រូបគេ​ជា​ចំណែក​សំខាន់​បំផុត​សម្រាប់​លោក Zidane ​ក្នុង​ការ​កសាង​ក្រុម​ឱ្យ​ល្អ​ឡើង​វិញ។ ​ត្រឹម​វ័យ​២៨​ឆ្នាំ​ កុងត្រា​បន្ដ​ដល់​ឆ្នាំ​២០២៣​នោះ គឺ​ជា​រឿង​ត្រឹមត្រូវ​បំផុត​សម្រាប់​អធិរាជ​ស ​ក្នុង​ការ​រក្សា Key Player ​របស់​ខ្លួន។

​គេ​នៅ​ចាំ​បាន​ថា Casemiro ​ទទួល​បាន​ឱកាស​លេង​ដំបូង​ក្រោម​ការ​ដឹក​នាំ​របស់​លោក Jose Mourinho ​នៅ​គ្រា​នោះ។ ​១​ប្រកួត​ដែល​ផ្ដល់​ឱកាស​នោះ​ហើយ ​បាន​ធ្វើ​ឱ្យ​ជីវិត​របស់​ខ្សែ​បម្រើ​ការពារ​រូប​នេះ​ប្រែប្រួល​រហូត​មក​ដល់​ពេល​នេះ។ រូបគេ​បាន​ខំ​ប្រឹងប្រែង​ហ្វឹកហាត់​រហូត​ជាប់​ជា​កីឡាករ​ល្អ ​និង​ជម្រើស​១១​នាក់​ដំបូង​ជា​និច្ច ​នៅ​ពេល​បច្ចុប្បន្ន។ ​

លេង​ឱ្យ Real Madrid ​បាន​២២៩​ប្រកួត​មក​នេះ ​ Casemiro ​ជួយ​ក្រុម​ឈ្នះ Champions League ​បាន​៤​ដង ​Club World Cup ​៣​ដង La Liga ​១​ដង Copa del Rey ​១​ដង European Super Cup ​បាន​២​ដង​៕ប្រភព Marca

ភ្ជាប់ទំនាក់ទំនងជាមួយ CTS SPORT