ខ្សែប្រយុទ្អក្លិបភ្នំពេញក្រោនកីឡាករ Timothy Okereke រំពឹងថាក្លិបនឹងរក្សាទម្រង់លេងបានល្អដូចកាល៥ប្រកួតដំបូងក្នុង Metfone Cambodian League រដូវកាល២០២០ដដែលទៅចុះ បន្ទាប់ពីសកម្មភាពបាល់ទាត់សម្រាកអស់៣ខែដោយសារការឆ្លងរីករាលដាលនៃជំងឺ Covid-19។
កីឡាករសញ្ជាតិនីហ្សេរីយ៉ារូបនេះបាននិយាយក្នុងវេបសាយផ្លូវការថរបស់ក្លិបថា៖ « យើងបានចាប់ផ្តើមបានយ៉ាងល្អ ហើយខ្ញុំរំពឹងថាយើងជាក្រុមមួយដែលខ្លាំងដដែល ព្រោះខ្ញុំជឿជាក់លើមិត្តរួមក្រុមរបស់ខ្ញុំទាំងអស់នោះ ។ ចំពោះខ្លួនខ្ញុំផ្ទាល់គឺខ្ញុំតែងតែត្រៀមខ្លួនរួចជាស្រេចទាំងសតិអារម្មណ៍ និងកម្លាំងរបស់ខ្ញុំដើម្បីត្រលប់មកវិញជាមួយការប្រកួតប្រជែង » ។
កីឡាករដែលមានបទពិសោធន៍ជោគជាំជាមួយលីគកំពូលកម្ពុជារូបនេះបានបន្ថែមទៀតថា៖ « ពិតណាស់ដើម្បីធ្វើការក្រុម យើងត្រូវការពេលវេលាធ្វើការហ្វឹកហាត់ជុំគ្នា និងយល់ដឹងពីគ្នាឲ្យបានច្រើនបន្ថែមទៀត ។ ខ្ញុំតែងតែធ្វើការហ្វឹកហាត់ឲ្យបានច្រើនតាមដែលខ្ញុំអាចធ្វើបាន ព្រោះខ្ញុំយល់ពីសារៈសំខាន់នៃការហ្វឹកហាត់ដោយខ្លួនឯងក្នុងខណៈពេលនេះ » ៕
