សើរើទៅរឿងរ៉ាវចាស់កាលពីជាង ២០ ឆ្នាំមុន លោក Sir Alex Ferguson ដែលមានឱកាសពេញលេញក្នុងការនាំយក Thierry Henry មកកាន់ទឹកដី Old Trafford ប៉ុន្តែលោកបែរជាបដិសេធ។ ជុំវិញមូលហេតុត្រូវបានទម្លាយចេញពីអតីតប្រធានផ្នែកសន្តិសុខនៅក្លឹបគឺលោក Ned Kelly សង្កត់ធ្ងន់ពីមូលហេតុចំៗ។
លោក Kelly បាននិយាយប្រាប់សារព័ត៌មានថា៖ “ខ្ញុំបានដើរទៅប្រាប់លោក Sir Alex ថា ចៅហ្វាយ ខ្ញុំទើបតែបានលឺ Jean-Marie Cantona [បងប្រុស Eric Cantona] និយាយទូរសព្ទថា Hery ចង់មកក្លឹបរបស់យើង”។
លោកបន្ថែម៖ “ពេលនោះ Ferguson គាត់ឆ្លើយមកវិញថា ទេគ្មានផ្លូវទេ Henry គេរបួសច្រើនម្លឹងៗ យើងមិនអនុញ្ញាតទេ”។ ចាប់តាំងពីពេលនោះមក Henry ក៏ចរចាត្រូវរ៉ូវហើយលេងឲ្យ Arsenal និងតាំងនាមជាវិបុរសនៅ Emirate Stadium ទៀតផង។
បញ្ជាក់ថា Henry ដែលចាកចេញពី Juventus មកកាន់ក្លឹប Arsenal នៅតម្លៃខ្លួន ១១ លានផោន រកបាន ២២៨ គ្រាប់នៅការបង្ហាញខ្លួនរយៈពេល ៨ ឆ្នាំឲ្យក្លឹប។ លោកធ្លាប់ទាំងបានឈ្នះ Premier League ២ លើកនិង FA Cup ២ លើកជាមួយក្លឹបទៀតផង៕
ប្រភព៖ Metro