​ប្រធាន​ក្លឹប Lyon ​ស្នើ​ឱ្យ​បារាំង​បើក​លីគ​ឡើង​វិញ​

​លោក Jean-Michel Aulas ​ប្រធាន​ក្កលឹប Lyon ​បាន​ស្នើ​ដល់​នាយក​រដ្ឋ​មន្ត្រី​បារាំង ​ដើម្បី​ពិចារណា​បើក​លីគ​កំពូល​បារាំង​ឡើង​វិញ ​ក្រោយ​ពី​ប្រកាស​រំសាយ​កាល​ពី​ពេល​កន្លង​ទៅ។

​កាល​ពី​ថ្ងៃ​ទី​២៨​ខែ​មេសា​ឆ្នាំ​២០២០​នេះ ​បារាំង​បាន​ប្រកាស​រំសាយ​លីគ​កំពូល​និង​លំដាប់​ទី​២​ចោល​តែ​ម្ដង ​ដើម្បី​ការពារ​ការ​ឆ្លង​មេរោគ Covid-19 ​បន្ដ​ទៀត។ ​ដោយ​ការ​រំសាយ​នោះ ​ក្រុម​ដែល​ឈរ​នៅ​លំដាប់​លេខ​១ ​មុន​ពេល​ផ្ទុះ​មេរោគ Covid-19 ​នឹង​បាន​ឱកាស​ក្លាយ​ជា​ជើង​ឯក​តែ​ម្ដង។ ​ក្រុម​នោះ​ម្ចាស់​ជើង​ឯក​នោះ​គឺ PSG ​។

តែ​ថ្មី​នេះ ​ស្រាប់​តែ​មាន​ដំណឹង​ថា​ប្រធាន​ក្លឹប Lyon ​បាន​សរសេរ​លិខិត​មួយ​ច្បាប់​ស្នើ​ទៅ​នាយក​រដ្ឋ​មន្ត្រី​បារាំង​ហើយ ដើម្បី​ពិចារណា​បើក​លីគ​ឡើង​វិញ។ ​ការ​លិខិត​នោះ​ក៏​បាន​បញ្ជាក់​ថា​នៅ​អឺរ៉ុប​មេរោគ Covid-19 ​បាន​ធូរ​ស្បើយ​ហើយ ​បារាំង​ក៏​ជា​ប្រទេស​មួយ​ដែល​អាច​គ្រប់គ្រង​មេរោគ​នេះ​បាន​ដូច​គ្នា​មិន​ខុស​ពី​អាល្លឺម៉ង់​ឡើយ។ ​តែ​លីគ​អាល្លឺម៉ង់​បាន​បើក​លេង​វិញ​តាំង​ពី​ថ្ងៃ​ទី​១៦​កន្លង​ទៅ​ម្ល៉េះ ​ហើយ​អេស្ប៉ាញ អ៊ីតាលី ​និង​អង់គ្លេស​ក៏​បាន​ត្រៀម​បើក​វិញ​ដែរ។ ​ដូច្នេះ បារាំង​ក៏​មាន​លទ្ធផល​ក្នុង​ការ​បើក​ប្រកួត​វិញ​បាន​ដូច​គ្នា៕ប្រភព Bbc

ភ្ជាប់ទំនាក់ទំនងជាមួយ CTS SPORT
  • អត្ថបទថ្មី