ការប្រកួតរវាង RB Leipzig និង Mainz បានបញ្ចប់ទៅនៅលទ្ធផល ៥-០ ដែលក្នុងចំណោមគ្រាប់បាល់នោះក៏មាន ៣ គ្រាប់ចេញពីថ្វីជើងរបស់ Timo Werner ផងដែរ។
គ្រាប់បាល់ Hat-Trick ដ៏មានន័យនេះក្រៅពីជួយឲ្យក្លឹបយក្ស Liverpool កាន់តែចាប់អារម្មណ៍មកលើរូបលោក មួយទៀតសោតក្រឡេកទៅមើលតំណែង Top Scorer ក៏កីឡាករអាល្លឺម៉ង់កាន់តែឡើងមកប្រកៀកនឹង Robert Lewandowski ថែមទៀតផង។
សរុបគិតត្រឹមជុំទី ២៧ គឺ Werner រកបាន ២៤ គ្រាប់ហើយ ស្របពេល Lewandowski រកបាន ២៧ គ្រាប់។ គ្រាប់បាល់របស់អ្នកទាំងពីរនាំមុខគេបើធៀបនឹងអ្នកលេខ ៣ គឺ Jadon Sancho ដែលទើបមាន ១៤ គ្រាប់ រីឯ Robin Quaison របស់ Mainz មាន ១២ គ្រាប់ប៉ុណ្ណោះ៕