​កក្រើក​លីគ​អឺរ៉ុប ក្រុម​ខ្លាំង​ទាំង​ពីរ Borussia Dortmund និង Bayern Munich ត្រូវ​ប៉ះ​គ្នា​យប់​ស្អែក​នេះ

ក្រោយ​ខកខាន​ការ​ប្រកួត​អស់​រយៈ​ពេល​ជាង ២ ខែ យើង​ក៏​ខកខាន​ការ​ទស្សនា​ការ​ប្រកួត​នូវ​ជំនួប​ធំៗ​ជា​ច្រើន​ផង​ដែរ។ នៅ​យប់​ថ្ងៃ​អង្គារ​នេះ ជំនួប​ពិសេស​បាន​ឈាន​ចូល​មក​ដល់​ទៀត​ហើយ នោះ​គឺ​ការ​ប្រកួត​ជើង​ទី ២ រវាង​ក្លឹប​ឈរ​លំដាប់​កំពូល Bayern Munich និង Borussia Dortmund។

បច្ចុប្បន្ន Bayern នៅ​បន្ត​ឈរ​លេខ ១ រី​ឯ Dortmund បន្ត​ឈរ​លេខ ២ ហើយ​ក្រុម​ទាំង​ពីរ​នឹង​ត្រូវ​ប៉ះ​គ្នា​វេលា​ម៉ោង ១១:៣០ នាទី​យប់​ថ្ងៃ​អង្គារ នៅ​ឯ​កីឡដ្ឋាន Signal Iduna Park (ទឹកដី Dortmund) មាន​ផ្សាយ​ផ្ទាល់​លើ​ទំព័រ CTS-Sport។

ជំនួប Del Klassiker ឬ​អាច​ហៅ​បាន​ថា German Clasico គឺ​ជា​ការ​ជួប​គ្នា​លើក​ទី ១២៦ ហើយ​នៅ​យប់​ស្អែក​នេះ ដោយ​កន្លង​មក Bayern ឈ្នះ​ច្រើន​ជាង​មាន​ដល់​ទៅ ៥៩ លើក ខណៈ​កីឡាករ​បង្ហាញ​ខ្លួន​ច្រើន​បំផុត​គឺ Michael Zorc បាន ២៨ ប្រកួត និង Top Scorer គឺ Robert Lewandowski រក​បាន ២២ គ្រាប់​ក្នុង​ជំនួប​នោះ។

គ្រាប់​បាល់​កើត​ឡើង​ច្រើន​បំផុត គឺ​នៅ​ថ្ងៃ​ទី ២៧ ​វិច្ឆិកា ឆ្នាំ ១៩៧១ ដោយ Bayern យក​ឈ្នះ Dortmund ១១-១។ សម្រាប់​ប្រកួត​កាល​ពី​ជើង​ទី ១ នា​រដូវ​កាល​នេះ គឺ Bayern ឈ្នះ ៤-០ ពោល​ជា​មធ្យម​ការ​ប្រកួត​ប៉ុន្មាន​ឆ្នាំ​ចុង​ក្រោយ​នេះ ប្រសិន​ណា Bayern ស៊ី​គឺ​រមែង​ស៊ី​ដាច់ ២ គ្រាប់​តែ​ម្តង៕

ប្រភព៖

ភ្ជាប់ទំនាក់ទំនងជាមួយ CTS SPORT