អីយ៉ា! ​ថ្ងៃ​ចន្ទ​នេះ Arsenal ​ចូល​ខ្លួន​ចែចូវ Coutinho ​ដែរ​ហើយ​

​ក្រុម Arsenal ​ត្រូវ​បាន​គេ​ដឹង​ថា​នៅ​ថ្ងៃ​ចន្ទ​នេះ  ក៏​បាន​ចូល​ខ្លួន​សួរ​នាំ​ខ្សែ​បម្រើ​ប្រយុទ្ធ​ Philippe Coutinho ​ដែរ ​ក្រោយ​ពី Barcelona ​ប្រកាស​លែង​ត្រូវ​ការ​។

​Coutinho ​កាល​ពី​លេង​នៅ​ក្រុម Liverpool ​ល្អ​ខ្លាំង​មែនទែន ​ប៉ុន្តែ​ក្រោយ​ពី​ផ្លាស់​ទៅ​លេង​នៅ​ក្រុម FC Barcelona ​មក ​ទម្រង់​លេង​របស់​គេ​ធ្លាក់​ចុះ​ខ្លាំង​។ ​នៅ​រដូវ​កាល​នេះ ​ខ្សែ​បម្រើ​ប្រេស៊ីល​ត្រូវ​ក្រុម Bayern Munich ​ខ្ចី​ជើង ​ហើយ​ចុង​បញ្ចប់​រូបគេ​ក៏​ត្រូវ​ត្រលប់​មក Barcelona ​វិញ ព្រោះ Bayern ​មិន​ព្រម​ទិញ​យក​ដាច់​នោះ​ទេ។ ​

​ក្រោយ​ពី​នោះ​មក មាន​ក្លឹប​ជា​ច្រើន​បន្ដ​ចរចា​យក​​អតីត​កីឡាករ Liverpool ​ម្នាក់​នេះ។ ដោយ​ថ្មី​ៗ​នេះ ​ក្រុម Arsenal ​ក៏​បាន​ចូល​ចែចូវ​ផង​ដែរ។ ​ក្រុម​របស់​លោក Arteta ​រំពឹង​ថា​អាច​យក​កីឡាករ​វ័យ​២៧​ឆ្នាំ​នេះ​បាន ​ព្រោះ​ក្រុម FC Barcelona ​លែង​ចាត់​ទុក​រូបគេ​ក្នុង​បញ្ជី​ដែល​ត្រូវ​ប្រើប្រាស់​នៅ​រដូវ​កាល​ខាង​មុខ​ទៅ​ហើយ៕ប្រភព Dailymail

ភ្ជាប់ទំនាក់ទំនងជាមួយ CTS SPORT