ក្លឹប Hull City បានប្រកាសថាពួកគេធ្វើតេស្ដកីឡាករនិងបុគ្គលិករបស់ខ្លួន ដោយរកឃើញថាមាន២នាក់ផ្ទុកមេរោគ Covid-19 ។
ក្របខណ្ឌលំដាប់ទី២របស់អង់គ្លេស បានចាប់ផ្ដើមធ្វើតេស្ដកីឡាករនិងបុគ្គលិកទាំងអស់របស់ខ្លួន ដើម្បីត្រៀមបើកការប្រកួតឡើងវិញ។ ក្រោយពីការធ្វើតេស្ដនោះ បានបង្ហាញឱ្យឃើញថាមាន២នាក់របស់ក្រុម Hull City វិជ្ជមាន Covid-19 ប៉ុន្តែមិនមានចេញរោគសញ្ញាអ្វីនោះទេ។ ដោយទាំងពីរនាក់នេះ ត្រូវបានដាក់នៅដោយឡែក និងបន្ដតាមដានសុខភាពទៀត។ ក្លឹប Hull City មិនបានបញ្ជាក់ថា២នាក់នេះ ជាកីឡាករឬបុគ្គលិកនោះទេ។
ក្របខណ្ឌ Championship របស់អង់គ្លេសខាងលើនេះ មានគម្រោងត្រលប់មកទីលានវិញ នៅចុងខែមិថុនាឆ្នាំ២០២០នេះដែរ។ ពួកគេក៏នឹងលេងដោយគ្មានអ្នកគាំទ្រដូច Premier League ធ្វើដូចគ្នា៕ប្រភព Bbc
