Newcastle ​ចង់​យក Higuain ​មក​លេង​នៅ Premier League ​រដូវ​កាល​ក្រោយ​

​ក្រុម Newcastle United ​មាន​គម្រោង​នាំ​យក​ខ្សែ​ប្រយុទ្ធ ​Gonzalo Higuain ​មក​លេង​នៅ​ក្របខណ្ឌ Premier League ​វិញ ​ក្រោយ​ពី​សាមី​ខ្លួន​ថា​ចង់​ចេញ​ពី Juventus ​ពេល​ចប់​រដូវ​កាល​នេះ​។

​កីឡាករ​វ័យ​៣២​ឆ្នាំ​ត្រូវ​បាន​គេ​ដឹង​ថា​ចង់​ចាកចេញ​ពី​ក្រុម Juventus ​ហើយ ​ក្រោយ​ពី​រក​បាន​៥​គ្រាប់ ​និង​បញ្ជូន​បាល់​ឱ្យ​មិត្ត​រួម​ក្រុម​បាន​៤​គ្រាប់​ក្នុង​ការ​ប្រកួត​២២​ប្រកួត​នា​រដូវ​កាល​នេះ​។ ​ខ្សែ​ប្រយុទ្ធ​អាហ្សង់ទីន​ធ្លាប់​ទៅ​លេង​នៅ​ Premier League ​ម្ដង​មក​ហើយ ​ដោយ​កាល​នោះ​លេង​នៅ Chelsea ​ក្រោម​លក្ខខណ្ឌ​ខ្ចី​ជើង​។ ​

ដោយ​ឡែក​នៅ​លើក​នេះ​វិញ ​ក្រុម​ដែល​ចង់​បាន​រូបគេ​ទៅ​លេង​នៅ Premier League ​នោះ គឺ Newcastle United ​វិញ​ម្ដង។ ​ក្លឹប​ដែល​ទើប​តែ​ផ្លាស់​ប្ដូរ​ម្ចាស់​នេះ ​ទំនង​ជា​នឹង​មាន​ប្រាក់​ច្រើន​សម្រាប់​ចាយ ​ព្រោះ​ពួកគេ​មាន​ម្ចាស់​ថ្មី​ជា​សេដ្ឋី​ប្រាក់​ពាន់​លាន​ឯ​​ណោះ៕ប្រភព Dailymail

ភ្ជាប់ទំនាក់ទំនងជាមួយ CTS SPORT