អ្នកចាំទី Thibaut Courtois មានទំនុកចិត្តថាខ្សែបម្រើ Eden Hazard នឹងជួយក្រុម Real Madrid លើកពានរង្វាន់មិនខាននៅពេលអនាគត។
Hazard លេងនៅរដូវកាលដំបូងមិនទាន់ល្អនោះទេ ដោយសារតែមានបញ្ហារបួសញឹកញាប់ ធ្វើឱ្យទម្រង់លេងរបស់គេមិនទាន់ល្អដូចកាលលេងនៅ Chelsea ឡើយ។ តែទោះជាយ៉ាងនេះក្ដី សម្រាប់ Thibaut Courtois នៅតែមានទំនុកចិត្តថាមិត្តរួមក្រុមម្នាក់នេះនឹងល្អឡើងវិញ ហើយអាចជួយក្រុម Real Madrid ឈ្នះពានរង្វាន់ថែមទៀត។
អ្នកចាំទីជម្រើសជាតិបែលហ្សិកខាងលើបាននិយាយថា៖ “Hazard បានត្រលប់មកវិញ ជាមួយកម្លាំងយ៉ាងអស្ចារ្យ។ គាត់នឹងអាចជួយយើងឱ្យឈ្នះពានរង្វាន់មិនខាន។ គាត់ជាកីឡាករនាំលេងយ៉ាងល្អឱ្យក្រុមយើង យកជ័យជម្នះ។ ខ្ញុំស្គាល់គាត់៩ឆ្នាំមកហើយ ខ្ញុំយល់ពីគាត់ច្បាស់ណាស់”៕ប្រភព Dailymail
