ខ្សែប្រយុទ្ធ Timo Werner រកបាន៣គ្រាប់ម្នាក់ឯង ជួយក្រុម RB Leipzig យកឈ្នះលើក្រុម Mainz 05 ក្នុងលទ្ធផលដល់ទៅ ៥-០ ឯណោះ។
កីឡាករវ័យ២៤ឆ្នាំខាងលើនេះ ធ្វើបានល្អមែនទែនសម្រាប់ការប្រកួតនៅយប់មិញនេះ។ ៣គ្រាប់ដែលគេរកបាននោះគឺនៅនាទី១១ ៤៨ និង៧៥។ វាក៏ជាគ្រាប់បាល់ទី២៤របស់គេ ក្នុងរដូវកាលនេះ នាក្របខណ្ឌ Bundesliga ផងដែរ។ បច្ចុប្បន្ននេះ រូបគេក៏បានជួយក្រុម RB Leipzig ឈរនៅចំណាត់ថ្នាក់លេខ៣ក្នុងតារាងផងដែរ។
ខ្សែប្រយុទ្ធសញ្ជាតិអាល្លឺម៉ង់ខាងលើនេះ កំពុងមានទំនាក់ទំនងខ្លាំងក្នុងការផ្លាស់មកលេងនៅ Liverpool ។ ដោយលោក Klopp ពេញចិត្តចំពោះទម្រង់លេងរបស់គេ ប៉ុន្តែអ្វីដែលជាឧបសគ្គនោះគឺតម្លៃខ្លួនរបស់គេតែម្ដង៕ប្រភព Dailymail
