Mauricio Pochettino បានប្រលូកក្នុងអាជីពជាអ្នកចាត់ការក្លឹបបាល់ទាត់ តាំងពីឆ្នាំ ២០០៩ មកម្ល៉េះ ហើយរយៈពេលជាង ១០ ឆ្នាំមកនេះ លោកបានហែលកាត់ការដឹកនាំក្លឹបចំនួន ៣ មានដូចជា Espanyol, Southampton និង Tottenham Hotspur។
ថ្លែងនៅកិច្ចសម្ភាសន៍ជាមួយ TheSun កាលពីពេលកន្លងទៅ បុរសសញ្ជាតិអាហ្សង់ទីនបានរំឭកដល់ប្រកួតមួយដែលដល់ថ្នាក់ធ្វើឲ្យលោកស្រក់ទឹកភ្នែក និងមានការគ្រាំគ្រាចិត្តខ្លាំងបំផុត។
ប្រាប់ TheSun លោក Pochettino និយាយ៖ “ក្រោយប្រកួត [UCL វគ្គផ្តាច់ព្រ័ត្រ] គឺធ្វើឲ្យខ្ញុំខកចិត្តខ្លាំងបំផុត ដោយពិបាកនឹងបញ្ឈប់ការស្រក់ទឹកភ្នែកខ្លាំងណាស់ ទាំងដែលយើងបានរៀបចំទុកមុនអស់ ៣ សប្តាហ៍ពោរពេញដោយទំនួលខុសត្រូវ ហើយយើងបានផ្តោតខ្លាំងណាស់លើប្រកួតនោះ”។
គួរបញ្ជាក់ថាកាលពីវគ្គផ្តាច់ព្រ័ត្រ UCL រដូវកាលចាស់ គឺ Spurs បានចាញ់ Liverpool នៅលទ្ធផល ២-០ នៅឯទឹកដី Wanda Metropolitano ក្នុងប្រទេសអេស្ប៉ាញ៕ ប្រភព៖ AF
