លោក Richard Masters ប្រធានក្របខណ្ឌ Premier League មានទំនុកចិត្តថានៅចុងខែក្រោយនេះ គឺជាពេលវេលាល្អបំផុតដែលលីគអង់គ្លេសអាចត្រលប់មកវិញបាន។
ក្រុមទាំងអស់បានប្រមូលផ្ដុំគ្នាហ្វឹកហាត់១សប្ដាហ៍មកហើយ ប៉ុន្តែត្រូវបែងចែកជាក្រុមតូចៗហាត់ មិនមែនជុំគ្នាទាំងអស់នោះទេ។ នេះជាជំហានទី១នៃការត្រលប់មកវិញ ហើយបើមិនមានអ្វីប្រែប្រួលទេ សប្ដាហ៍បន្ទាប់ទៀតពួកគេអាចហាត់ជុំគ្នាបានហើយ។ ការហាត់នេះ ធ្វើឡើងក្រោយពីរដ្ឋាភិបាលអង់គ្លេសបានបើកភ្លើងខៀវឱ្យមានការប្រកួតឡើងវិញ។
ដោយសារតែមើលឃើញពីការហាត់១សប្ដាហ៍មកនេះ មិនមានករណីឆ្លងមេរោគ Covid-19 ខ្លាំងទេនោះ ទើបបានជាលោក Richard Masters ប្រធាន Premier League និយាយថាខែក្រោយគឺអាចលេងបានហើយ។ លោក បញ្ជាក់ថាគ្រប់គ្នាសប្បាយចិត្តនៅពេលឃើញការប្រមូលផ្ដុំហ្វឹកហាត់នេះ ហើយពួកគេនឹងកាន់តែសប្បាយចិត្តថែមទៀតនៅពេលលីគអាចលេងបាននៅចុងខែក្រោយ៕ប្រភព Bbc
