ពាក់ព័ន្ធនឹងការចរចារវាង Kylian Mbappe ជាមួយភាគីខាងក្លឹប Real Madrid គឺហាក់ស្ងាត់ដំណឹងសូន្យឈឹងនៅរយៈពេលចុងក្រោយនេះ ពោលគឺក្លឹបបារាំង PSG ហាក់មិនមានបំណងព្រលែងកីឡាករបារាំងទាល់តែសោះ។
តាមរបាយការណ៍ចុងក្រោយពី Le10Sport បានចុះផ្សាយ លោក Zinedine Zidane ហាក់អស់ការអត់ធ្មត់ និងសម្លឹងឃើញរ៉ាដាជាក់លាក់មួយរូបទៀតហើយ នោះគឺ Sadio Mane របស់ក្លឹបហង្សក្រហម Liverpool។
តម្លៃរបស់ Mane អាចថ្លៃប្រហែល ១៥០ លានអឺរ៉ូសម្រាប់ការដោះដូរនាពេលខាងមុខនេះ។ កាលពីរដូវកាលចាស់ខ្សែប្រយុទ្ធសេណេហ្គាល់ធ្វើបានយ៉ាងល្អ ជាមួយការឈ្នះពានស្បែកជើងមាសទៀតផង។
បញ្ជាក់ថាមានដំណឹងល្ហៀងៗថា Mane រាងអន់ចិត្តនឹង Klopp ដែលផ្តល់តម្លៃដល់ Virgil van Dijk ខ្លាំងជ្រុលកាលពីរដូវកាលចាស់ ជួយឲ្យខ្សែការពាររូបនេះមានប្រៀបជាងខ្លួននៅការប្រជែងពាន Ballon d’Or។ នេះបើតាម France Football បានចុះផ្សាយ៕
ប្រភព៖ Soccerladuma