Tim Cahill បានប្រកាសថាខ្លួនចូលនិវត្តពីក្រុមជម្រើសជាតិអូស្ត្រាលីហើយ ក្រោយពីរូបគេបានបង្ហាញវត្តមាននៅ World Cup បាន៤ដង។
ខ្សែប្រយុទ្ធ Cahill របស់ជម្រើសជាតិអូស្ត្រាលី ប្រកាសចូលនិវត្តត្រឹមវ័យ៣៨ឆ្នាំ។ រូបគេបានបង្កើតជាកំណត់ត្រាល្អមួយនិងក្លាយជាកីឡាករអូស្ត្រាលីដំបូងគេ អាចចូលលេងនៅ World Cup បានដល់៤ដងឯណោះ ក្នុងអាជីពជាកីឡាករបាល់ទាត់នេះ។ ក្នុងការលេងឱ្យជម្រើសជាតិ១០៧ប្រកួតកន្លងមកនេះ អតីតកីឡាករ Everton រូបនេះរកគ្រាប់បាល់បាន៥០គ្រាប់ ក្លាយជាកីឡាកររកគ្រាប់បាល់បានច្រើនជាងគេរបស់អូស្ត្រាលី។
ក្នុងការប្រកាសជាផ្លូវការ Cahill បាននិយាយថា៖ “ខ្ញុំពិតជាមានមោទនភាពណាស់ដែលមានឱកាសលេងឱ្យប្រទេសជាតិរបស់ខ្ញុំ ច្រើនជាង១០០ដងនេះ។ ក្នុងការបង្ហាញខ្លួនម្ដងៗ ពិតជាធ្វើឱ្យខ្ញុំមានកិត្តិយសណាស់។ ជាចុងក្រោយ ខ្ញុំមានតែជូនពរ ពួកគេទាំងអស់ជោគជ័យក្នុងដំណើរថ្មីខាងមុខ”៕ប្រភព៖ DailyMail