Chelsea ​បន្ដ​កុងត្រា​ឱ្យ Giroud ​១​រដូវ​កាល​ទៀត​

​ក្រុម Chelsea ​បាន​បន្ដ​កុងត្រា​ឱ្យ​ខ្សែ​ប្រយុទ្ធ Olivier Giroud ​មួយ​រដូវ​កាល​ទៀត ដោយសារ​តែ​បច្ចុប្បន្ន​នេះ​ក្រុម​កំពុង​មាន​បញ្ហា​សេដ្ឋកិច្ច អាច​ទំនង​ជា​មិន​ទិញ​កីឡាករ​ថ្មី​ចូល​ឡើយ

​​

Giroud ​មិន​សូវ​មាន​ឱកាស​បាន​លេង​ទេ​នា​រដូវ​កាល​នេះ​ក្រោម​ការ​ដឹក​នាំ​របស់​លោក Lampard ​ប៉ុន្តែ​ក្រោយ​ពី Tammy Abraham ​មាន​​របួស​ទៅ រូបគេ​ក៏​ទទួល​បាន​ឱកាស​វិញ។ ​រូបគេ​រក​បាន​២​គ្រាប់​ក្នុង​ការ​លេង​៤​ប្រកួត ​អំឡុង​ពេល Abraham ​របួស​នោះ។ ក្រោយ​ពី​ឃើញ​ថា​នៅ​លេង​ល្អ ​ស្រប​ពេល​បច្ចុប្បន្ន​ក្លឹប​កំពុង​ជួប​វិបត្តិ​ដោយសារ Covid-19 ​ផង ​ក្រុម Chelsea ​បាន​បន្ដ​កុងត្រា​ឱ្យ​កីឡាករ​វ័យ​៣៣​ឆ្នាំ​នេះ​មួយ​រដូវ​កាល​ទៀត​ហើយ។

​សាមី​ខ្លួន  Giroud ​បាន​និយាយ​ថា​៖ “ខ្ញុំ​ពិត​ជា​រីករាយ​ក្នុង​ការ​បន្ដ​ដំណើរ​ជាមួយ​ក្រុម Chelsea ​ទៀត។ ​ខ្ញុំ​កំពុង​រង់ចាំ​ឱកាស​ដើម្បី​បាន​ពាក់​អាវ​តោ​ខៀវ​នៅ​ពេល​ខាង​មុខ ​ពេល​លីគ​បើក​ដំណើរ​ការ​ឡើង​វិញ ​ជា​ពិសេស​នៅ​មុខ​អ្នក​គាំទ្រ​ក្នុង​កីឡដ្ឋាន Stamford Bridge ​”។ កីឡាករ​ដែល​ផ្លាស់​ពី​ក្រុម Arsenal ​មក​ក្នុង​ឆ្នាំ​២០១៨​នេះ ​បង្ហាញ​ខ្លួន​ឱ្យ Chelsea ​បាន​៣៩​ប្រកួត​ហើយ ​និង​បាន​២១​គ្រាប់៕ប្រភព Bbc

ភ្ជាប់ទំនាក់ទំនងជាមួយ CTS SPORT
  • អត្ថបទថ្មី