ក្រុម Chelsea អាចនឹងឱ្យខ្សែបម្រើ N’Golo Kante សម្រាករហូតដល់ចប់រដូវកាលនេះតែម្ដង ប្រសិនណាបើរូបគេនៅតែមានអារម្មណ៍ភ័យខ្លាចមិនហានលេងតទៅទៀត។
កីឡាករបារាំងខាងលើនេះ បានចូលទៅពិនិត្យសុខភាពជាមួយក្រុម Chelsea កាលពីម្សិលមិញនេះ ប៉ុន្តែអំឡុងពេលនោះរូបគេនៅមានអារម្មណ៍ភិតភ័យជាមួយមេរោគ Covid-19 ដដែល។ កត្តាអារម្មណ៍ភ័យនេះហើយ ប្រសិនណាបើបន្ដនៅតែបែបនេះទៀត នោះរូបគេនឹងមិនអាចលេងក្នុងការប្រកួតបានឡើយ។
រំលឹកថាកីឡាករវ័យ២៩ឆ្នាំនេះ មានបញ្ហាសុខភាពផ្នែកអារម្មណ៍នេះម្ដងមកហើយ ដែលធ្វើឱ្យរូបគេមិនអាចចេញទៅណាបាននោះទេ។ ស្រដៀងគ្នានេះដែរ ប្អូនប្រុសរបស់ Kante ក៏បានស្លាប់ដោយសារតែគាំងបេះដូងផងដែរ។ ហេតុនេះហើយ ទើប Chelsea បានប្រកាសថាប្រសិនបើរូបគេមិនសប្បាយចិត្តក្នុងការត្រលប់មកវិញទេ នោះមិនបាច់មកទីលានហ្វឹកហាត់ឡើយ៕ប្រភព Dailymail