គ្រូ​បែលហ្សិក៖ “ទោះ Hazard មិន​ទាន់​អាច​សម្រប​ខ្លួន​ជាមួយ Real តែ​ថ្ងៃ​មុខ​គេ​នឹង​ឈ្នះ Ballon d’Or”

អ្នកចាត់ការ​របស់​ក្រុម​ជម្រើស​ជាតិ​បែលហ្សិក​លោក Roberto Martinez បាន​និយាយ​អំពី​ជោគវាសនា​របស់ Eden Hazard ជាមួយ​នឹង​ក្លឹប Real Madrid ក្រោយ​មើល​ឃើញ​ពី​ការ​ចាប់ផ្តើម​ដ៏​លំបាក​មួយ​នៅ​រយៈ​ពេល​ជិត ១ ឆ្នាំ​ដំបូង​នេះ។

Hazard បាន​ផ្ទេរ​ចេញ​ពី Chelsea មក​កាន់​ទឹកដី Bernabeu នៅ​តម្លៃ​ខ្លួន ១០០ លាន​អឺរ៉ូ។ នៅ​រដូវ​កាល​ដំបូង កីឡាករ​បែលហ្សិក​បាន​រង​របួស​ញាំញី​ច្រើន រុញ​ឲ្យ​រូប​គេ​ទើប​បង្ហាញ​ខ្លួន​បាន ១៥ ប្រកួត​គត់។

និយាយ​ប្រាប់ Cadena Ser លោក Martinez ថា៖ “គេ​នៅ​តែ​នឹង​អាច​ឈ្នះ​ពាន Ballon d’Or ជាមួយ Real Madrid ដោយ​គ្មាន​ការ​សង្ស័យ​អ្វី​ទាំង​អស់ ដោយ​ការ​លេង​ឲ្យ​ក្លឹប​ថ្មី​ពេល​ខ្លះ​វា​លំបាក​នៅ​ដំណាក់កាល​ចាប់ផ្តើម ប៉ុន្តែ​អ្នក​ត្រូវ​យល់​ពី​អត្ថន័យ​នៃ​ការ​លេង​ឲ្យ​ក្លឹប​យក្ស​ដូច​ជា Real Madrid”។

លោក​បន្ថែម​ថា៖ “ខ្ញុំ​គិត​ថា​អ្នក​គាំទ្រ Real Madrid នៅ​តែ​បន្ត​ជឿជាក់​លើ Hazard ថា​គេ​នឹង​អាច​នាំ​ភាព​ជោគជ័យ​ជា​ច្រើន​មក​កាន់​ក្លឹប”៕ ប្រភព៖ AF

ភ្ជាប់ទំនាក់ទំនងជាមួយ CTS SPORT
  • អត្ថបទថ្មី