Cesar Delgado អតីតមិត្តរួមទ្រនំជាមួយ Miralem Pjanic បាននិយាយថា ខ្សែបម្រើបូស្នីគឺសក្តិសមនិងមានសមត្ថភាពអាចលេងនៅក្លឹប FC Barcelona បាន ហើយវាគឺជាទ្រនំដ៏ល្អមួយដែលរូបគេគួរតែផ្ទេរចេញទៅ។
កីឡាករ Pjanic បានរងចចាមអារ៉ាមថាអាចនឹងត្រូវ Juventus លក់ចេញ ឬដោះដូរក្នុងការនាំយកកីឡាករ Barcelona មកកាន់ទឹកដី Turin។ ពាក់ព័ន្ធនឹងរឿងរ៉ាវនេះ អតីតមិត្តចាស់នៅ Lyon បាននិយាយប្រាប់ Radio Marca៖ “ពេលគេមកលេងនៅ Lyon ទាំងនៅវ័យក្មេង គឺគេអាចសម្របបានឆាប់រហ័សបំផុត”។
លោកបន្ថែម៖ “គេនឹងធ្វើបានល្អខ្លាំងសម្រាប់ Barcelona ក៏ដូចជាជាមួយការលេងរួមជើងនឹង Lionel Messi ដោយគេជាប្រភេទកីឡាករដែលអាចស្វែងរកការបញ្ជូនបាល់ដ៏ល្អមួយឲ្យអ្នក”៕
ប្រភព៖ AF
