តាមការសម្រេចរបស់សហព័ន្ធបាល់ទាត់អ៊ីតាលីហៅកាត់ IFF បានបញ្ជាក់ជាផ្លូវការហើយថាការប្រកួតនារដូវកាល ២០១៩/២០ សម្រាប់លីគ Serie A/B/C ត្រូវកំណត់ឲ្យប្រកួតបញ្ចប់ត្រឹមថ្ងៃទី ២០ សីហាជាកំហិត។
ត្បិតមិនទាន់ប្រកាសនៅកាលបរិច្ឆេទចាប់ផ្តើមសារជាថ្មីណាមួយក្តី តែតាមការព្យាករណ៍អាចប្រហែលជាថ្ងៃទី ១៤ មិថុនា រាប់ជាកាលបរិច្ឆេទត្រលប់មកវិញរបស់បាល់ទាត់អ៊ីតាលី រីឯការប្រើប្រាស់រយៈពេលប្រមាណ ២ ខែគឺសមល្មមឲ្យក្លឹបទាំងអស់បញ្ចប់រដូវកាលសេសសល់បានហើយ។
បញ្ជាក់ថាទាំង Cristiano Ronaldo ក៏ដូចជាកីឡាករឯទៀតបានត្រលប់មកចូលរួមហ្វឹកហាត់ជាបណ្តើរៗហើយ ដោយបច្ចុប្បន្នស្ថិតក្នុងការហ្វឹកហាត់លក្ខណៈបុគ្គល មុនហ្វឹកហាត់ជាក្រុមនាអំឡុងចុងខែឧសភាខាងមុខនេះ៕ ប្រភព៖ BeSoccer
