Dani Ceballos កីឡាករកំពុងខ្ចីជើងលេងឲ្យក្លឹប Arsenal ថ្មីៗនេះបានផ្តល់បទសម្ភាសន៍មួយចំនួនពាក់ព័ន្ធនឹងការវិលត្រលប់មកកាន់ទីលានប្រកួតវិញ ក៏ដូចជាការរំឭកដល់ឈ្មោះក្លឹបអាណាព្យាបាល Real Madrid របស់ខ្លួន។
Ceballos បាននិយាយអំពីការត្រៀមវិលត្រលប់របស់ PL ថា៖ “យើងបានឆ្លងផុតការតេស្តរយៈពេល ៤៨ ម៉ោងមុន ដោយលទ្ធផលឃើញថាក្រុមទាំងមូលគ្មាននរណាមានផ្ទុកវីរុសទេ ហើយយើងនឹងចាប់ផ្តើមការប្រកួតក្រោយមួយសប្តាហ៍នៅអេស្ប៉ាញដែលគេលេងនៅថ្ងៃទី ១២ មិថុនា ហើយយើងនឹងចាប់ផ្តើមនៅថ្ងៃទី ២០ មិថុនា”។
បន្តដល់ឈ្មោះក្លឹបអាណាព្យាបាល កីឡាករអេស្ប៉ាញបន្ថែម៖ “ខ្ញុំជាកីឡាករ Real Madrid ហើយកីឡាករក្នុងលោកទាំងអស់ពិតណាស់គឺចង់មកលេងឲ្យក្លឹប Real Madrid ដោយខ្ញុំសេសសល់កុងត្រា ៣ ឆ្នាំបន្ថែមទៀតជាមួយក្រុម ហើយនេះគឺជាក្រុមមួយនាំអ្នកឆ្ពោះទៅរកភាពជោគជ័យ”។ ជាសម្តីប្រាប់ TVE៕
ប្រភព៖ Marca
