ក្រុម PSG បានដកខ្លួន លែងចង់បានខ្សែការពារ Kalidou Koulibaly របស់ក្រុម Napoli ហើយ ក្រោយពីឃើញតម្លៃខ្លួនរបស់គេដល់ទៅ៦៣លានផោន។
ក្រុមអ្នកមានបារាំងដកខ្លួននេះ គឺជាសញ្ញាល្អបំផុតសម្រាប់ក្រុមបិសាចក្រហម Manchester United ។ Man Utd ក៏ជាក្រុមមួយដែលចង់បានខ្សែការពារមាឌធំម្នាក់នេះផងដែរ។ ដូច្នេះបើ PSG លែងចូលខ្លួនប្រកួតប្រជែងហើយ នោះបិសាចក្រហមមានឱកាសពេញលេញដើម្បីចរចាយក Kalidou មករួមក្រុមបានយ៉ាងស្រួលហើយ។ ខ្សែការពារម្នាក់នេះ តម្លៃខ្លួនដល់៦៣លានផោន ដែលធ្វើឱ្យក្លឹបជាច្រើនបានដកថយនៅពេលឃើញតម្លៃខ្ពស់យ៉ាងនេះ។
កីឡាករសញ្ជាតិសេណេហ្គាល់ខាងលើ ត្រូវចាត់ចូលជាខ្សែការពារឆ្នើមបំផុតម្នាក់ ក្រោយពីបង្ហាញសមត្ថភាពលេងល្អនៅលីគអ៊ីតាលីប៉ុន្មានរដូវកាលមកនេះ។ មានក្រុមធំៗជាច្រើនចង់បានរូបគេ ប៉ុន្តែដោយសារតែតម្លៃខ្លួនខ្ពស់ពេក ទើបពួកគេដកថយអស់វិញ៕ប្រភព Dailymail
