តាមរបាយការណ៍ពី Liverpool Echo បានចុះផ្សាយ ក្លឹបហង្សក្រហម កំពុងសម្លឹងឃើញ Kai Havertz របស់ក្លឹប Bayer Leverkusen ដោយមានបំណងនាំយកយុវជនវ័យក្មេងរូបនេះ មកទុកជំនួស Roberto Firmino រយៈពេលយូរ។
នារដូវកាល ២០១៩/២០ កីឡាករប្រេស៊ីលនៅតែជាប់ជម្រើសដំបូងជានិច្ចកាលឲ្យហង្ស ប៉ុន្តែការរកគ្រាប់បាល់របស់គេគឺទើបតែធ្វើបាន ៨ គ្រាប់ប៉ុណ្ណោះនៅ PL។
បើធៀបនឹង Havertz គឺកីឡាករវ័យ ២០ ឆ្នាំ រកបាន ១២ គ្រាប់ហើយ ពោលគឺនៅប្រកួតចុងក្រោយទើបប៉ះ Werder Bremen រូបគេបំប៉ោងសំណាញ់ទីពីរគ្រាប់ម្នាក់ឯងទៀតផង។
ប្រភពបានសង្កត់ធ្ងន់ Jurgen Klopp នឹងចាប់ផ្តើមបើកការចរចា តាមលទ្ធភាពអាចធ្វើទៅបានដើម្បីនាំយករូបគេមកកាន់ Anfield នាពេលឆាប់ៗខាងមុខ។ ក្នុងនោះក៏មានក្លឹប Man Utd និង Barcelona ដែលចាប់អារម្មណ៍លើខ្សែប្រយុទ្ធខាងលើផងដែរ៕
ប្រភព៖ Sportsmole