FC Seoul ដែល​ដាក់​តុក្កតា​សិច​ធ្វើ​ជា​អ្នក​គាំទ្រ ប្រឈម​ការ​ដាក់​ពិន័យធ្ងន់ធ្ងរ​ពី K-League

ថ្មីៗ​នេះ​មាន​រឿង​ដ៏​គួរ​ឲ្យ​ភ្ញាក់ផ្អើល​មួយ ពាក់ព័ន្ធ​នឹង​ក្លឹប FC Seoul ដែល​បាន​នាំ​យក​តុក្កតា​សិច​មាន​សារធាតុ​ស៊ីលីកូន​ជា​ច្រើន​គ្រឿង មក​ដាក់​អង្គុយ​នៅ​កីឡដ្ឋាន​តាំង​នាម​ជា​អ្នក​គាំទ្រ ហើយ​បាន​ទទួល​ការ​រិះគន់​ច្រើន​ជាង​មតិ​គាំទ្រ។

រឿង​នេះ​បាន​កើត​ឡើង​នៅ​ប្រកួត​រាង FE Seoul ដែល​យក​ឈ្នះ​លើ Gwangju FC ​នា​លទ្ធផល ១-០ កាល​ពី​ដើម​សប្តាហ៍​កន្លង​ទៅ។ ក្រោយ​រង​ការ​រិះគន់ ក្លឹប FC Seoul ក៏​បាន​ចេញ​សារ​សុំទោស ប៉ុន្តែ​រឿង​មិន​ចប់​ងាយៗ​នោះ​ទេ ដោយ​ K-League កំពុង​បើក​ការ​ស៊ើបអង្កេត​ឲ្យ​ដិតដល់ ​ហើយ​ក្លឹប​ខាង​លើ​ប្រឈម​នឹង​រង​ការ​ពិន័យ​ដ៏​ធ្ងន់ធ្ងរ​មួយ។

តាម​ច្បាប់ ប្រសិន​ពិនិត្យ​មើល​ឃើញ​ថា មាន​ល្មើស​លើ​សកម្មភាព​ផ្សព្វផ្សាយ​ផលិតផល​អាសអាភាស ​នោះ​ក្លឹប FC Seoul នឹង​ត្រូវ​ពិន័យ​ជា​ប្រាក់​ប្រមាណ ៤ ពាន់​ដុល្លារ​អាមេរិក ឬ​ត្រូវ​កាត់​ពិន្ទុ​ក្នុង​តារាង​ចំនួន ៥ ពិន្ទុ។

គួរ​បញ្ជាក់​ថា​នៅ K-League របស់​កូរ៉េ​ខាង​ត្បូង ទើប​តែ​បើក​ការ​ប្រកួត​សារ​ជា​ថ្មី នៅ​ថ្ងៃ​ទី ៨ ឧសភា​កន្លង​ទៅ ក្រោយ​ខកខាន​រយៈ​ពេល​យូរ​ដោយសារ​វីរុស COVID-19៕ ប្រភព៖ BeSoccer

ភ្ជាប់ទំនាក់ទំនងជាមួយ CTS SPORT