Klopp ​៖​បើ Liverpool ​មិន​ឈ្នះ​ពាន​ទៀត ​គឺ​អយុត្តិធម៌​ណាស់​

​លោក Jurgen Klopp ​បាន​អះអាង​ថា​វា​មិន​យុត្តិធម៌​ឡើយ ​ប្រសិន​ណា​បើ​រដូវ​កាល​នេះ ពាន​រង្វាន់ Premier League មិន​បាន​មើល​លើ​ក្រុម Liverpool ​ទេ​នោះ​។

​Liverpool ​ត្រូវ​ការ​ឈ្នះ​តែ​២​ប្រកួត​ទៀត​ប៉ុណ្ណោះ ​នឹង​ក្លាយ​ជា​ជើង​ឯក​លីគ​កំពូល​អង់គ្លេស​ឡើង​វិញ​ហើយ ​ក្រោយ​ពី​ខកខាន​អស់​រយៈ​ពេល​៣០​ឆ្នាំ​មក​នេះ។ ​តែ​ដោយសារ​មេរោគ Covid-19 ​តម្រូវ​ឱ្យ​លីគ​ផ្អាក​សិន ​ទើប​រហូត​មក​ដល់​ពេល​នេះ ​នៅ​អង់គ្លេស​មិន​ទាន់​អាច​រក​ឃើញ​ឯក​ឃើញ ​ឬ​ផ្ដល់​ពាន​ទៅ Liverpool ​នៅ​ឡើយ​ទេ។ ​យ៉ាងណាមិញ ​នៅ​ខែ​ក្រោយ​នេះ ​មាន​ដំណឹង​ថា​ពួកគេ​អាច​នឹង​បើក​លីគ​លេង​វិញ​បាន​ហើយ។

​លោក Klopp ​ដែល​ជា​អ្នក​ចាត់ការ​ក្រុម Liverpool ​មើល​ឃើញ​ថា ​បើ​សិន​ជា​លីគ​រដូវ​កាល​នេះ​មិន​អាច​បន្ដ​បាន ​ហើយ​ត្រូវ​រំសាយ​ចោល​មិន​ផ្ដល់​ពាន​ឱ្យ Liverpool ​ទេ ​នោះ​វា​ជា​រឿង​អយុត្តិធម៌​បំផុត។ Liverpool ​រដូវ​កាល​នេះ​ធ្វើ​បាន​ល្អ​ជាង​គេ ​ខ្លាំង​ជាង​គេ ​និង​សក្ដិសម​បំផុត​ក្នុង​ការ​គ្រោង​ជើង​ឯក។ ​គ្រប់​គ្នា​សុទ្ធ​តែ​បាន​មើល​ឃើញ ​និង​គិត​ថា​ហង្ស​ក្រហម​ច្បាស់​ណាស់​នឹង​បាន​ពាន​រង្វាន់​មិន​ខាន៕ប្រភព Goal

ភ្ជាប់ទំនាក់ទំនងជាមួយ CTS SPORT