Hudson-Odoi ​ត្រូវ​ប៉ូលិស​ឃាត់​ខ្លួន រឿង​ជាប់​សង្ស័យ​រំលោភ​សេពសន្ថវៈ​នារី​ម្នាក់​

​កីឡាករ Callum Hudson Odoi ​របស់ Chelsea ​ត្រូវ​បាន​ប៉ូលិស​ឃាត់​ខ្លួន​កាល​ពី​ម្សិលមិញ ​ក្រោយ​ពី​មាន​នារី​ម្នាក់​ទូរសព្ទ​ទៅ​ប្ដឹង​រូបគេ​ពី​បទ​រំលោភ​សេពសន្ថវៈ​។

​តារា​ម៉ូដែល​ដ៏​ស្រស់​ស្អាត​ម្នាក់ ​បាន​ទាក់ទង​គ្នា​ជាមួយ Callum Hudson Odoi ​នៅ​តាម Online ​រហូត​​ដល់​ត្រូវ​កីឡាករ​ Chelsea ​ម្នាក់​នេះ ​ហៅ​ឱ្យ​មក​ជួប​ដល់​ផ្ទះ​តែ​ម្ដង។ ​តែ​ក្រោយ​មក ​ស្រាប់​តែ​នាង​បាន​ទូរសព្ទ​ទៅ​ប៉ូលិស​ក្នុង​តំបន់ ​ដោយ​ប្រាប់​ថា​មក​ជួយ​នាង​ផង ​ព្រោះ​នាង​ត្រូវ​គេ​រំលោភ​ហើយ។ ​ក្រោយ​ពី​ប៉ូលិស​មក​ដល់ ​នាង​ក៏​ត្រូវ​បាន​បញ្ជូន​ទៅ​កាន់​មន្ទីរពេទ្យ​ភ្លាម​តែ​ម្ដង ខណៈ​ដែល Callum Hudson Odoi ​ក៏​ត្រូវ​បាន​ឃាត់​ខ្លួន​ភ្លាម​ៗ​នោះ ​ដើម្បី​នាំ​ទៅ​សាកសួរ។

យ៉ាងណាមិញ ​ក្រោយ​ពី​សាកសួរ​ហើយ ​ខ្សែ​ប្រយុទ្ធ​ក្មេង​របស់​អង់គ្លេស​ម្នាក់​ក៏​ត្រូវ​បាន​អនុញ្ញាត​ឱ្យ​ត្រលប់​ទៅ​ផ្ទះ​វិញ។ ​រូបគេ​មិន​បាន​និយាយ​អ្វី​ទាក់ទង​ទៅ​នឹង​រឿង​ហេតុ​នេះ​ទេ ប៉ុន្តែ​បើ​តាម​មិត្តភក្ដិ​របស់​ Callum Hudson Odoi ​បាន​បញ្ជាក់​ថា ​កីឡាករ​ម្នាក់​នេះ​មិន​បាន​ធ្វើ​អ្វី​ខុស​ឡើយ ដូច្នេះ​ហើយ​ទើប​បាន​ជា​ប៉ូលិស​ឱ្យ​ត្រលប់​មក​ផ្ទះ​វិញ៕ប្រភព Dailymail

ភ្ជាប់ទំនាក់ទំនងជាមួយ CTS SPORT