ខ្សែការពារ Roberto Carlos បាននិយាយថា Ronaldo Nazario ដែលជាអតីតមិត្តរួមក្លឹបនៅ Real Madrid របស់ខ្លួន គឺមានភាពល្អប្លែកដាច់ពីគេ ហើយកុំថាឡើយ Lionel Messi, Cristiano Ronaldo ឬ Neymar ក៏មិនអាចប្រៀបធៀបនឹងគេបានដែរ។
ប្រាប់សារព័ត៌មាន Goal អតីតកីឡាករ Real រូបនេះនិយាយ៖ “គេ [Ronaldo Nazario] គឺល្អបំផុត ហើយគឺគ្មានអ្នកដទៃដូចគេនោះទេ កុំថាឡើយ Neymar, Cristiano ឬ Messi ដោយ Ronaldo គេប្លែកពីអ្នករាល់គ្នា”។
លោកបន្ថែម៖ “នៅជំនាន់បាល់ទាត់របស់យើង គឺពិបាកនឹងរកគ្រាប់បាល់ណាស់ ព្រោះប្រព័ន្ធការពារក្រោយរឹងមាំ តែ Ronaldo គេនៅតែអាចធ្វើបានគ្រប់បែបយ៉ាង”។
បញ្ជាក់ថា Carlos និង Ronaldo បានលេងរួមគ្នានៅចន្លោះឆ្នាំ ២០០២ ដល់ ២០០៧ ដែលរយៈពេល ៥ ឆ្នាំនោះ Ronaldo ប្រេស៊ីលរកបាន ៨៣ គ្រាប់ជាគ្រាប់បាល់ក្នុងលីគនៅ ១២៧ ប្រកួតសរុប៕
ប្រភព៖ AF