គូស្នេហ៍របស់ Cristiano Ronaldo គឺស្រីស្អាត Georgina Rodriguez កន្លងទៅប្រិយមិត្តប្រាកដជាបានដឹងរួចមកហើយ ពាក់ព័ន្ធនឹងការបង្ហោះរបស់នាងលើ Instagram ពីតម្រុយនៃការពពោះកូនទី ២ របស់នាងជាមួយនឹង Ronaldo។
លុះថ្មីៗនេះរូបភាពមួយសន្លឹកផ្សេងទៀត របស់តារាម៉ូដែលអេស្ប៉ាញក៏បានរំលេចឡើងក្នុង Story លើគណនីផ្លូវការរបស់នាង ដោយបានយកសត្វចិញ្ចឹមទៅដាក់លើពោះក្រោមអាវរបស់នាង បង្ហាញដូចជាស្រ្តីកំពុងពពោះកូនក្នុងផ្ទៃអ៊ីចឹង។
បញ្ជាក់ថា Georgina បានផ្តល់កំណើតកូនស្រីដ៏ស្រស់ស្អាតមួយរូបឈ្មោះ Alana Martina កាលពីខែវិច្ឆិកា ឆ្នាំ ២០១៧ ឲ្យ Ronaldo ខណៈ CR7 មុនមាន Georgina គឺមានកូន ៣ រូបជាមួយអ្នកចាស់រួចទៅហើយ។ សរុបមកបើ Georgina មានកូនក្នុងផ្ទៃមួយទៀតពិតមែន នោះ Ronaldo នឹងក្លាយជាឪពុកកូនទី ៥ ឆាប់ៗខាងមុខនេះ៕
ប្រភព៖ AF