ក្រុម Bayern Munich បានយកឈ្នះលើក្រុម Berlin ក្នុងលទ្ធផល ២-០ ដើម្បីបន្ដឈរនៅកំពូលតារាង Bundesliga កាលពីយប់មិញនេះ។
ការប្រកួតក្របខណ្ឌលីគកំពូលអាល្លឺម៉ង់បានបើកដំណើរការវិញហើយតាំងពីម្សិលមិញមកម្ល៉េះ។ ដោយឡែកសម្រាប់ការប្រកួតនៅយប់មិញនេះវិញ ក្រុមកំពូលតារាង Bayern Munich បានយកឈ្នះលើក្រុម Berlin ក្នុងលទ្ធផល ២-០ ទៀត ដោយ២គ្រាប់នោះរកបានដោយ Lewandowski នៅនាទី៤០ និង Paward នៅនាទី៨០។ ការប្រកួតនេះ ក៏លេងដោយគោរពតាមលក្ខខណ្ឌគ្មានអ្នកគាំទ្រផងដែរ។
តែបើតាមការមើលប្រកួតនៅយប់មិញនេះ Paward បានល្មើសជាមួយបម្រាមហាមឱបគ្នាជាមួយមិត្តរួមក្រុមនៅពេលរកគ្រាប់បាល់បានទៅហើយ។ និយាយពីការប្រកួតនៅលីគអាល្លឺម៉ង់នេះវិញ កំពុងទទួលបានការចាប់អារម្មណ៍ខ្លាំងមែនទែន ព្រោះថានេះជាលីគទី១ក្នុងចំណោមលីគធំៗនៅអឺរ៉ុបដែលបានបើកដំណើរការប្រកួតឡើងវិញ៕ប្រភព Dailymail
