ក្របខណ្ឌ Bundesliga បានបើកដំណើរការកាលពីយប់មិញនេះ ដែលធ្វើឱ្យអ្នកស្រលាញ់វិស័យបាល់ទាត់តាមដានយ៉ាងខ្លាំង ព្រោះខានមើលបាល់យូរមកហើយ។
Bundesliga បានក្លាយជាលីគទី១នៃលីគធំៗនៅអឺរ៉ុបដែលបានចាប់ផ្ដើមប្រកួតវិញ ក្រោយពីផ្អាកជាច្រើនសប្ដាហ៍ដោយសារតែមេរោគ Covid-19 ។ ការបើកឱ្យមានការប្រកួតឡើងវិញនេះ ត្រូវអ្នកគាំទ្រជាច្រើនសាទរ បើទោះជាលេងបាល់ទាត់លើកនេះក្រោមលក្ខខណ្ឌថ្មីក៏ដោយ។ ពួកគេលេងដោយមិនមានអ្នកគាំទ្រចូលទស្សនានោះទេ ហើយកីឡាករវិញក៏ត្រូវធ្វើតេស្ដមុនចូលប្រកួតផងដែរ។
សម្រាប់កីឡាករវិញ ក៏មិនអាចអបអរឱបគ្នាពេលរកគ្រាប់បាល់បាន និងកីឡាករបម្រុងក៏ត្រូវអង្គុយឱ្យឆ្ងាយពីគ្នាថែមទៀត។ ក្នុងការប្រកួតក្រុមទាំងសងខាងអាចផ្លាស់ប្ដូរកីឡាករបានដល់៥នាក់។ សម្រាប់លទ្ធផលវិញ ក្នុងការប្រកួតយប់មិញ Dortmund ដែលយកឈ្នះលើក្រុម Schalke 04 ក្នុងលទ្ធផល ៤-០ នោះ គឺជាប្រកួតដែលមានអ្នកមើលតាម Online ច្រើនជាងគេ៕ប្រភព Dailymail
