ក្លឹប​នៅ​អ៊ីតាលី​ចូល​កាត់​មុខ Newcastle ចង់​ទាក់​ចិត្ត​សេដ្ឋី​អារ៉ាប់​ឲ្យ​ទិញ​ក្លឹប​របស់​ខ្លួន

ការ​អូសបន្លាយ​ពេល​នៃ​ការ​ចរចា​ទិញ​យក​ក្លឹប Newcastle United ពី​សំណាក់​ក្លឹប​អនាគត​មេ​ថ្មី​ដែល​ជា​ព្រះ​អង្គ​ម្ចាស់​អារ៉ាប៊ីសាអូឌីត ក៏​ជា​ឱកាស​ល្អ​មួយ​សម្រាប់​ក្លឹប AS Roma ដែល​គាប់ជួន​កំពុង​សិក្សា​ពី​លទ្ធភាព​ស្វែងរក​អ្នក​ដឹកនាំ​ក្លឹប​បន្ត​ដែរ​នោះ។

បច្ចុប្បន្ន Roma ស្ថិត​ក្រោម​ការ​ដឹកនាំ​ដោយ​ក្រុមហ៊ុន NEEP Roma Holding S.p.A ដែល​មាន​ភាគហ៊ុន​នៅ​ក្លឹប​ដល់​ទៅ ៧៩,០៤ ភាគរយ​ឯ​ណោះ។ យ៉ាងណាមិញ​តាម​របាយការណ៍​ពី The Star បាន​ចុះ​ផ្សាយ ក្លឹប​នៅ​អ៊ីតាលី [AS Roma] កំពុង​ទាក់ទង​ទៅ​កាន់​ព្រះ​អង្គ​ចាស់​នៃ​ប្រទេស​អារ៉ាប៊ីសាអូឌីត​ហើយ ដើម្បី​សិក្សា​ពី​លទ្ធភាព​នៃ​ការ​លក់​ក្លឹប​របស់​ខ្លួន ប្រសិន​ណា​ការ​ចរចា​ជាមួយ Newcastle មិន​ទាន់​ទទួល​បាន​ជោគជ័យ​ត​ទៅ​ទៀត។

នៅ Premier League ក៏​មាន​ក្លឹប​ជា​ច្រើន បាន​បង្ហាញ​ការ​មិន​ពេញ​ចិត្ត​ការ​ដែល Newcastle បម្រុង​លក់​ក្លឹប​ឲ្យ​មហាសេដ្ឋី​លុយ​រយ​ពាន់​លាន​រូប​នេះ ទើប​ជា​មូលហេតុ​ដែល​ធ្វើ​ឲ្យ​ការ​ចរចា​មាន​ការ​អូស​បន្លាយ​ពេល​យូរ។

បញ្ជាក់​ថា Roma ជា​ក្លឹប​ដែល​ធ្លាប់​ឈ្នះ​នៅ​លីគ Serie A ៣ សម័យ​កាល និង​ជា​ជើង​ខ្លាំង​នៅ​ពាន Coppa Italia ធ្វើ​បាន​ដល់​ទៅ ៩ សម័យ​កាល​ឯ​ណោះ៕ ប្រភព៖ SportBible

ភ្ជាប់ទំនាក់ទំនងជាមួយ CTS SPORT