Club Brugges បានក្លាយជាជើងឯកលីគកំពូលរបស់បែលហ្សិកតែម្ដង ក្រោយពីមានការប្រកាសរំសាយលីគចោល ដោយសារតែមេរោគ Covid-19 ។
ក្លឹបខ្លាំងមួយខាងលើនេះ បាននាំមុខក្រុមលេខ២ Gent រហូតដល់១៥ពិន្ទុឯណោះ ហើយនៅសល់១ប្រកួតក្នុងដៃទៀត មុនពេលលីគផ្អាកដោយសារតែមេរោគ Covid-19 ។ ដោយសារតែស្ថានភាពមើលទៅមិនអាចបើកលីគបានវិញទេ ទើបបានជាថ្នាក់ដឹកនាំលីគមួយនេះសម្រេចរំសាយចោលតែម្ដង ហើយបានប្រគល់ពានរង្វាន់ដល់ក្រុមកំពូលតារាង Club Brugges តែម្ដង។
រំលឹកថាលីគរបស់បែលហ្សិកនេះ គឺជាលីគទី១នៅអឺរ៉ុបដែលបានប្រកាសពីការរំសាយរបស់ខ្លួន ប៉ុន្តែនៅគ្រានោះពួកគេមិនទាន់សម្រេចថាប្រគល់ជើងឯកប្រចាំឆ្នាំនេះទៅក្លឹបកំពូលតារាងឬយ៉ាងណានោះទេ។ ទើបតែកាលពីថ្ងៃសុក្រកន្លងទៅ ទើបមានការប្រជុំសម្រេចមួយ ចេញជារូបរាងឡើង គឺឱ្យក្រុមកំពូលតារាងក្លាយជាជើងឯក៕ប្រភព Bbc