ក្រុមហង្សក្រហម Liverpool កំពុងតាមទិញ Talles Magno ដែលត្រូវបានគេស្គាល់ថាជា Neymar ថ្មីម្នាក់ទៀតរបស់ក្រុមប្រេស៊ីល។
កីឡាករវ័យ១៧ឆ្នាំខាងលើនេះ បានចំណាយពេលពេញ១រដូវកាលជាមួយក្រុម Vasco da Gama នៅលីគកំពូលរបស់ប្រេស៊ីល។ Magno ក៏ជាខ្សែប្រយុទ្ធម្នាក់សំខាន់ក្នុងក្រុមជម្រើសជាតិប្រេស៊ីលក្រោមអាយុ១៧ឆ្នាំផងដែរក្នុងការប្រកួតនានាកន្លងមក។ រូបគេបានជាប់ឈ្មោះជាកីឡាករវ័យក្មេង មានទេពកោសល្យម្នាក់សម្រាប់ប្រេស៊ីលនាពេលបច្ចុប្បន្ននេះ។
ឃើញសមត្ថភាពល្អយ៉ាងនេះហើយ ទើបក្រុមរបស់លោក Klopp ចង់បាន ដើម្បីនាំយកទៅបណ្ដុះបណ្ដាលបន្ថែមទៀត។ តម្លៃខ្លួនរបស់កីឡាករម្នាក់ខាងលើនេះ អាចនឹងដល់១៧លានផោន៕ប្រភព Dailymail
