Nelson Semedo បាននិយាយអំពីអតីតកាលរបស់ខ្លួនធ្លាប់លេងឲ្យក្លឹប Benfica នៅឯប្រទេសព័រទុយហ្គាល់ ហើយបានទម្លាយពីបំណងទៅថ្ងៃមុខ ថាមានចិត្តចង់ត្រលប់ទៅក្លឹបនោះវិញបើអាចទៅរួច។
និយាយប្រាប់ប៉ុស្តិ៍ទូរទស្សន៍របស់ក្លឹប ខ្សែការពារ Barcelona និយាយ៖ “ខ្ញុំចង់វិលត្រលប់ទៅដូចពេលវេលាដែលខ្ញុំបានផ្តល់គ្រប់យ៉ាងជួយដល់ក្រុម [Benfica] ហើយមិនមែនគិតដល់រឿងលុយដូចមនុស្សមួយចំនួនគិតនោះទេ”។
លោកបន្តថា៖ “វាពិតជាមិនអាចរៀបរាប់បាន ការដែលអាចឈ្នះជើងឯកនៃក្លឹបក្នុងបេះដូងរបស់យើង និងជាក្តីស្រមៃដែលបានក្លាយជាការពិត”។
បញ្ជាក់ថាកាលលេងនៅ Benfica កីឡាកររូបនេះធ្លាប់ឈ្នះពានលីគ ២ លើក និងពានក្រៅក្របខ័ណ្ឌផ្សេងទៀត ៣ លើក។
បច្ចុប្បន្នអនាគតរបស់គេកំពុងជាប់សង្ស័យ ក្រោយជាប់ឈ្មោះក្នុងចចាមអារ៉ាមដែលថា Barcelona អាចនឹងលក់រូបគេចេញ ដើម្បីប្រមែប្រមូលថវិកានាំយក Martinez ពី Inter Milan៕
ប្រភព៖ AF