Kylian Mbappe ត្រូវបានគេស្គាល់ថាធ្លាប់ជាយុវជនមួយរូប ដែលបាក់ចិត្តស្រលាញ់គាំទ្រក្លឹប Real Madrid និងវីរបុរសកីឡាករ Cristiano Ronaldo ជាខ្លាំង។
រយៈពេលតែមួយពព្រិចភ្នែក នៅប៉ុន្មានឆ្នាំចុងក្រោយនេះ Mbappe ក៏បានឡើងមកកាន់កម្រិតមួយដែលប្រហាក់ប្រហែលនឹង Cristiano ដែលជា iDol របស់ខ្លួនដែរ ជាពិសេសក្រោយពេលកីឡាករបារាំងឈ្នះ World Cup នៅឆ្នាំ ២០១៨។
ជ្រុងមួយនៃស្ទាយអបអររបស់យុវជនវ័យ ២១ ឆ្នាំ ត្រូវបានអ្នកគាំទ្រលើ Twitter ធ្វើការចែករំលែកជាបន្តបន្ទាប់ ថា Mbappe គឺពិតជាអ្នកគាំទ្រស្ម័គ្រស្មោះមួយរូបរបស់ CR7 ពិតបាន ព្រោះរាល់ស្ទាយអបអរទាំងឡាយណាដែល Ronaldo ធ្លាប់បង្ហាញ គឺ Mbappe ម៉ៅយកធ្វើតាមមុខសំណាក់អ្នកគាំទ្រក្នុងកីឡដ្ឋានទាំងអស់។
បញ្ជាក់ថា Mbappe ធ្លាប់និយាយពាក្យចាក់ដោតមួយឃ្លា៖ “ប្រសិនគេឲ្យខ្ញុំរើសរវាង Leo Messi និង Ronaldo ចូលក្នុងក្រុមរបស់ខ្ញុំ នោះខ្ញុំសូមដកខ្លួនចេញ ហើយឲ្យអ្នកទាំងពីរចូលលេងរួមគ្នា នោះក្រុមនឹងអាចទទួលបានជ័យជម្នះ”៕
ប្រភព៖ SportBible
