Cristiano Ronaldo បានចាយពេល ៣ រដូវកាលជាមួយនឹង Mesut Ozil នៅឯក្លឹប Real Madrid ហើយខ្សែប្រយុទ្ធមួយគូនេះ ក៏ធ្លាប់លើកពាន LaLiga និង Copa del Rey ជុំគ្នាផងដែរនៅទឹកដី Bernabeu។
ធ្លាប់បញ្ជាក់ក្រោយ Ozil ត្រូវបានលក់ចេញទៅកាន់ក្លឹប Arsenal កាលពីឆ្នាំ ២០១៣ បានធ្វើឲ្យ CR7 មានការខឹងសម្បាជាខ្លាំង។
និយាយប្រាប់សារព័ត៌មានអេស្ប៉ាញ AS ពីការចាកចេញរបស់កីឡាករអាល្លឺម៉ង់ Ronaldo និយាយ៖ “ការលក់ Ozil ចេញគឺជាដំណឹងដ៏អាក្រក់មួយសម្រាប់ខ្ញុំ ព្រោះគេជាកីឡាករដែលដឹងពីចង្វាក់លេងរបស់ខ្ញុំច្បាស់បំផុត បែបនេះខ្ញុំខឹងការចាកចេញរបស់គេខ្លាំងណាស់”។
CR7 បន្ថែម៖ “ខ្ញុំពិតជារីករាយនឹងការលេងរួមជើងជាមួយ Ozil ខ្លាំង ព្រោះគេធ្វើឲ្យខ្ញុំមានភាពល្អប្រសើរឡើងលើទីលានប្រកួត”។
បញ្ជាក់ថាក្រោយ Ozil ចាកចេញ Ronaldo ក៏នៅតែបន្តធ្វើព្យុះភ្លៀងនៅក្លឹបស្តេចសដដែល ដោយជួយឲ្យក្លឹបឈ្នះពាន UEFA Champions League ៤ សម័យកាលនារយៈពេល ៥ ឆ្នាំបន្ទាប់នោះ៕
ប្រភព៖ Sportskeeda
