ក្រុមនៅលីគកំពូលអង់គ្លេស Premier League នឹងត្រូវសងទៅខាងទូរទស្សន៍វិញ ប្រមាណ៣៤០លានផោន បើទោះជាលីគអង់គ្លេសបើកវិញនៅពេលខាងមុខក៏ដោយ។
ការលក់សិទ្ធិផ្សាយផ្ទាល់នៃក្របខណ្ឌ Premier League នេះ មានតម្លៃខ្ពស់ខ្លាំងមែនទែន មួយឆ្នាំៗ។ ហើយប្រសិនបើការប្រកួតនៅរដូវកាលនេះមិនអាចបើកវិញបានទេ នោះក្រុមទាំងអស់នឹងត្រូវសងប្រាក់ទៅខាងទូរទស្សន៍ដែលទិញសិទ្ធិផ្សាយនោះ ប្រមាណជា១ពាន់លានផោនឯណោះ។ ដូច្នេះហើយ ទើបលីគមួយនេះព្យាយាមខ្លាំង ដើម្បីធ្វើយ៉ាងណាឱ្យការប្រកួតត្រលប់មកវិញបាន។
តែបើទោះជាមានការប្រកួតវិញឆាប់ៗខាងមុខក៏ដោយ ក៏ក្រុមនៅអង់គ្លេសត្រូវសងប្រាក់ខ្លះទៀតទៅខាងទូរទស្សន៍ដែរ។ ការសងនេះ គឺដោយសារតែការប្រកួតខុសពេលវេលា និងលើកពេលច្រើន ធ្វើឱ្យការផ្សាយនៅតាមប្រទេសខ្លះមិនត្រូវតាមពេលវេលាទេ៕ប្រភព Bbc
