ក្របខណ្ឌ La Liga របស់អេស្ប៉ាញចាប់ផ្ដើមហ្វឹកហាត់ដើម្បីត្រៀមបើករដូវកាលវិញហើយ ក្រោយផ្អាកជាច្រើនខែមក។
យ៉ាងណាមិញការត្រលប់មកប្រកួតវិញ អំឡុងពេល Covid-19 នេះ នឹងធ្វើឱ្យមានបញ្ហាជាច្រើនត្រូវដោះស្រាយ ព្រោះត្រូវការការពារកីឡាករពីការឆ្លងមេរោគ និងលេងដោយបិទទ្វា មិនឱ្យមានអ្នកគាំទ្រចូលទស្សនានោះទេ។ ដោយសូម្បីតែកីឡាករផ្ទាល់ ក៏បារម្ភពីបញ្ហាសុវត្ថិភាពផ្ទាល់ខ្លួនផងដែរ។
សម្រាប់ Sergio Ramos ប្រធានក្រុម Real Madrid បាននិយាយថា៖ “យើងត្រូវគោរពតាមការណែនាំ ដើម្បីសុវត្ថិភាព។ យើងអាចយកគំរូតាមលីគអាល្លឺម៉ង់ ដែលនឹងបើកដំណើរការមុន La Liga ។ ខ្ញុំដឹងថាយើងត្រូវការជាចាំបាច់ដើម្បីប្រកួតឡើងវិញ។ វិស័យបាល់ទាត់ នឹងជួយអេស្ប៉ាញទាំងសេដ្ឋកិច្ច និងការកម្សាន្ត”៕ប្រភព Marca
