លោក Jean-Michel Aulas ប្រធានក្លឹប Lyon បានបញ្ជាក់ថាការប្រកួត UEFA Champions League នឹងត្រលប់មកវិញឆាប់ៗនេះ ដោយក្រុមរបស់លោកនឹងប៉ះ Juventus នៅថ្ងៃ៧ខែសីហាឆ្នាំ២០២០។ក្រុមនៅលីគបារាំងខាងលើបាននាំមុខក្រុម Juventus ១-០ ទៅហើយកាលពីជើងទី១កន្លងទៅ ប៉ុន្តែដោយសារតែមេរោគ Covid-19 វាយលុក ធ្វើឱ្យការប្រកួតផ្អាកសិនរហូតមកដល់ពេលនេះ។ យ៉ាងណាមិញ លីគបារាំងបានប្រកាសរំសាយរដូវកាលនេះចោលហើយ ប៉ុន្តែក្របខណ្ឌដទៃទៀតនៅមិនទាន់ទេ ជាពិសេស UEFA Champions League តែម្ដង។
បើតាមគម្រោង លីគនេះនឹងត្រលប់មកប្រកួតវិញ ដោយគ្មានអ្នកគាំទ្រចូលទស្សនានៅខែសីហាខាងមុខ។ ហើយលោក Jean ដែលជាប្រធានក្លឹប Lyon ក៏និយាយដូចគ្នានេះដែរ។ លោក បញ្ជាក់ថាក្រុម Lyon នឹងត្រូវប្រកួតជើងទី២នៅទឹកដី Turin នាថ្ងៃទី៧ខែសីហាឆ្នាំ២០២០៕
ប្រភព៖ Marca