ក្រុម FC Barcelona កំពុងតាមប្រមាញ់យកខ្សែប្រយុទ្ធ Lautaro Martinez ខ្លាំងមែនទែននារដូវកាលនេះ ក្រោយពីឃើញការបង្ហាញសមត្ថភាពល្អរបស់គេជាមួយក្រុម Inter Milan ។
តែបើតាមការបញ្ជាក់របស់លោក Massimo Moratti អតីតប្រធានក្លឹប Inter Milan បានបញ្ជាក់ថារឿងខាងលើនេះមិនងាយកើតឡើងនោះទេ។ ប្រសិនបើកើតឡើងមែន ក្រុម Barcelona ក៏ត្រូវចំណាយច្រើនឱ្យ Inter វិញផងដែរ ឬអាចយក Messi ដើម្បីដូរយក Lautaro ទៅវិញក៏បាន។
លោក Moratti បាននិយាយបែបនេះថា៖ “ប្រសិនបើ Lautaro ចាកចេញ? ប្រសិនបើ Messi មកជំនួសតំណែងគេ នោះខ្ញុំយល់ព្រម។ តែបើ Messi មិនព្រមមកទេ Dybala ក៏ទំនងអាចជំនួសតំណែងនៅតំបន់ប្រយុទ្ធនេះបានដែរ”៕ប្រភព Marca